என் கிறுக்கல்கள்.

இத்தனை யுகங்களாய்  இந்த அலைகள், கரைகளோடு  அப்படி என்ன தான் பேசுமோ? இப் பொறுப்பற்ற மாந்தர் தம்  செயல் கண்டு அவை கண்ணீர் விடத்தானோ  இல்லை, தம் இலக்கு நோக்கிய கேள்வியுடன் தானோ  எங்கோ பிறந்து  எங்கிருந்தோ விரைந்து  இன்று, இக் கரைகளோடு  பேசிமகிழ்கின்றன, அலைகள்  இத்தனை காலமாய்,  தம் உடன் பிறந்த நீரினங்களை அழைத்து, ஒரே திசையில்  உழைக்கின்றன அலைகள்  கடல்களின் வசீகரம் அலைகள், பலவற்றை கற்பிக்கின்றன அலைகள்.

பிறப்பு, இறப்பு  வாழ்தல், வீழ்தல்  உண்ணல், உறங்கல்  அனைத்தும் அதிசயம்  சாய்ந்து நிற்கும் பைசா ஓர் அதிசயம்  உடைந்திருக்கும் கொலோசியம் ஓர் அதிசயம்  சாய்ந்து, உடைந்து, நெளிந்து, வளைந்து  நீண்டு நிற்கும்  அனைத்தும் அதிசயம்  இலங்கை சீகிரியா, ஒரு  அரும் பெரும் கோட்டை  கலை வளர்த்த கோட்டை - இன்று  மாந்தர் கட்டி மகிழ்ந்தனரோ  சோழ தஞ்சை பெரிய கோவில்  தமிழ் வரலாறு சுட்டும் கோவில்  இத்தனை அதிசயம் உலகில் இனி  அமைக்கும் சக்தி எங்கும் உளதோ.  உயிர் தரும் மூச்சு அதிசயம்  பசியாற்றும் உணவும் அதிசயம்  கனவு தரும் உறக்கம் அதிசயம்  வெற்றி தரும் கல்வி அதிசயம்  காலை விரியும் பூக்கள் அதிசயம்  தேடி வரும் வண்டும் அதிசயம்  மலையுணரும் பூச்சிகள் அதிசயம் - அதன்  கூட ஒளிரும் விளக்கும் அதிசயம்  இயற்கையே! அற்புதங்கள் கோர்த்தெடுத்த  அதிசயச் சுரங்கம் நீ….. பார்க்க, நுகர, கேட்க தெவிட்டாத  அதிசய பேழை நீ….. ஆனால், மானுடம் சமைத்த அதிசயங்கள்  ஒருசில தான்.